Prestatiounen

Iwwersetzungen op Lëtzebuergesch an op Franséisch

Sproochekombinatiounen

Am Laf vun de Jore sinn ech mat ville Sproochen a Kontakt komm. Mä, wéi all Iwwersetzer, deen eppes op sech hält, iwwersetzen ech ausschliisslech a meng Mammesproochen — Franséisch a Lëtzebuergesch. Nëmmen esou kritt een Texter, déi d'Spezifizitéiten an d'Feinheete vun der Sprooch berücksichtegen.

Ech proposéieren also Iwwersetzungen aus dem Engleschen, dem Däitschen an dem Spueneschen an d'Franséischt an an d'Lëtzebuergescht, mä ech iwwersetzen och vum Lëtzebuergeschen an d'Franséischt, an ëmgedréint.

Fachberäicher

D'Qualitéit vun enger Iwwersetzung hänkt vun de sproochleche Kompetenze vum Iwwersetzer of, mä och vu sengem Wëssen iwwert déi verschidden Disciplinnen an deenen e schafft.

Meng jorelaang Erfahrung als Iwwersetzerin huet et mir erlaabt, Texter an Dokumenter aus vill verschiddene Fachgebitter ze iwwersetzen. Ech schaffe mech awer och gären an Ären Domaine eran. Hei kritt Dir e kuerzen Abléck a meng Kompetenzberäicher:


Ëmwelt (erneierbar Energien, Energiepolitik, Recyclage ...)

Ënnertitelen (Videoen iwwer spezifesch Produiten, Concerte fir de jonke Publikum, pedagogesch Concerten, Sensibiliséierungscampagnen ...)

Industrie an Technologie (audiovisuellt Material, technesch Dokumentatioun, Gebrauchsuweisungen, Kichenapparater, Telekommunikatiounen, Multimedia, elektronesch Produiten, Smart Home ...)

Informatik (Online-Dokumentatioun, Internetsäiten, Software, Presentatioune vu Produiten ...)

Marketing a Reklammen (Annoncen, E-Mailen, Flyeren, Pressecommuniquéen, Pressendossieren, Broschüren, Presentatioune vu Produiten, Newsletteren ...)

Medezin (Packungsbäilagen, Protokollen, Studien, Questionnairen, Broschüre fir d'Patienten ...)

Naturwëssenschaften (Biologie, Pharmaberäich, Ernährung ...)

Politik (Europäesch Unioun, international an europäesch Organisatiounen, Kooperatioun an Entwécklung, international Politik, national Politik a Gemengepolitik ...)

Sozial- an Humanwëssenschaften (Educatioun, Musek, Pedagogik ...)

Verwaltung (Korrespondenz, E-Mailen, Invitatiounen, Berichter, Aktivitéitsrapporten, Questionnairen an Ëmfroen, Pressecommuniquéen ...)

Relecturen op Lëtzebuergesch an op Franséisch

Dir hutt en Artikel, eng Broschür, e Courrier, eng Ried, en Text oder de Contenu vun Ärer Internetsäit op Franséisch oder op Lëtzebuergesch geschriwwen an Dir wëllt Är Dokumenter grëndlech iwwerpréiwe loossen, éier Dir se publizéiert? Dat ass e gudde Reflex. En Aussestehenden huet déi néideg Distanz fir d'Schreif- a Grammatikfeeler ze identifizéieren, mä och fir d'Interpunktioun an de Stil ze verbesseren.

Als Iwwersetzerin fir Lëtzebuergesch a Franséisch kennen ech all d'Feinheete vun dësen zwou Sproochen. Kontaktéiert mech!